TOTAP MA IBAGAS TUHAN IN

TOTAP MA IBAGAS TUHAN IN

AMBILAN SIBASAON 17 MARET 2013 NATS JAKOBUS 5,7-11

PARLOBEINI

                Surat Jakobus  itujuhon hubani  12 marga na merap/ diaspora (Jak 1:1) iluar Palestina (12 suku = Israel). Isini surat Jakobus aima petunjuk pakon nasehat praktis na patut sipataridhonni halak Kristen na sangat rentan hubani pengaruh duniawi, godaan, parlahou, prasangka,parsual-sualon (bertengkar), kesombongan pakon na saling menyalahkon. Haganupan on aima hal-hal praktis na bersifat aplikatif.  Bani na mandalankon hakristenon, haporsayaon maningon romban hubani perbuatan.

LATAR BELAKANG

Na gabe latr belakangni Jak 5,7-11 aima perbuatan-perbuatan na so madear humbanin pihak “orang kaya” hubani na masombuh pakon na etek/ minoritas. Termasuk do halak Kristen  gabe korban pasal  on halani keberadaanni sidea sebagai pendatang  anjaha kelompok minoritas.  Sebagai halak Kristen sonaha do patut pataridahkon sikap? Apakah harus membalas pataridahkon hak pakon keadilan? Bani perikop on ibere banta nasehat na talup sidalankononta.

HATORANGAN

1.       Bersabar

Bani ayat sebelumni ipatorang Jakobus do sonaha na talup jalooni halak na musil (sombong, semena-mena) bahasa haganupan ai lang lingod humbani Naibata anjaha jumpah sidea do uhum nap tut jaloonni sidea.  Hal on ipatugah ase ulang  terjebak bani paham humanis (hajolmaon) na maningon balas membalas. Cukup ma Tuhan mambalaskon in hubani halak na jahat. Sikap na ipangindo aima SABAR. Mase maningon sabar? 1) halak Kristen tardilo ase pataridahkon buah kebajikan, tanpa kesabaran lang mungkin boi hita pataridahkon buah na madear 2) age pe lang adong tindakan pembalasan sedo mararti ipaturut hita dirinta teraniaya  atap pe konyol tapi porsaya do hita bani Tuhanta sebagai hakim na adil na mambotoh ganupan ai anjaha na mambahen tindakan  laho mangapiti hita.

Tapi ronsi antigan hita sabar? Das hubani parrohni Tuhan in (das hubani na idilo Tuhan in hita). Hal on sedo patugahkon pasal  jangkauan waktu tapi menekanhon sikap sabar na maningon torus imiliki. Pasal parrohni Tuhan – antigan  ai lang ongga ipatugah secara pasti hubanta. Mararti hasabaron on maningon torus  ihorjahon tanpa limit tertentu. Na terpenting hita tetap berstatus “ready” anggo roh ma arini Tuhan in halani alng adong age sada humbanta na boi memprediksi parrohni Tuhan in (bnd  2 Pet 3:10).

Jakobus mambahen contoh goluhni sahalak petani na  maningon sabar paima parrohni udan laho mangarbahi suan-suananni.  Kesabaranni petani  on ma na patut sicontohonni  halak Kristen. Petani na imaksud ijon aima petani kecil na menggantungkongoluhni pitah hubani hasil pertanianni ai. Ai do ase hati-hati anjaha gok hasabaron do ia, halani na hinorhaonni ai untuk goluhni (menyambung hidup). Panen na dear aima sada harapan bani sahalak petani sehingga siap do ia melatih kesabaranni  paima panorang panen ai. 

2.       Patotapkon uhur

Sahalakpetani bani na paimahon panen ai torus do aktif marhorja mangusahahon ase lambin dear. Mararti hape kesabaran ai aktif do sedo pasif. Age halak Kristen  na menderita ai maningon aktif doia mangusahahon na madear sedo berdiam diri. Maningon itata hita do paruhuranta na romban hubani  pangarapanta. Ia pangarapanta aima parrohni Kristus – ase ulang marsining  (ada bekas noda) hita anggo  jumpah ma panorangni ai.  Hubani ise do ipatotap hita uhurta? Tontu hubani Tuhan do halani ia do simada goluhta.

3.      Ulang marsiungut-ungutan

Mengeluh janah saling menyalahkan aima gambaran tindakanni sasahalak na lang puas bani aha na jinaloni. Ijon Jakobus melarang ase ulang terjadi in bani halak Kristen halani efekni sedo hubani na membangun tapi merongrong kepribadian. Halak na bersungut-sungut atap pe marsiungut-ungutan mahol do ai mangidah na madear, mahol memiliki sikap positif thinking. Alasan na paduahon aima halani domma jongjong panguhum in bani labah. Hal on patugahkon periodik waktu na dohor – arini Tuhan in domma dohor janah Tuhanta do na manguhum ganup parlahouni jolma on. Age pe hona odoh-odoh goluhni sidea tapi  maningon totap do sidea ibagas Kristus (lang ibagas pikiran/ keinginanni jolma) halani na manguhumi on sangat rentan terjadi bani goluhni jolma.  Padaoh hita ma uhur namanguhumi na boipatubuhkon kebencian, halani kebencian lang boi mambahen goluhta madear tapi lambin maseda do.

4.      Mambahen nabi-nabi gabe sitiruon

Anggo ipardiatei hita bani Perjanjian lama, buei do nabi-nabi na menderita halani hasintonganni Tuhan in.  Jeremia pe manaron na marsik do ia anjaha ipasung halani mambaritahon hasintonganni Tuhan in (Jer 20:2-3), sonai homa Daniel, Job pakon buei na legan.  Penderitaan pakonperjuanganni nabi-nabi paingatkon hita hubani pemeliharaan pakonkeperdulianni Naibata hubani na mangkaholongiSi. Si elia pe maruntol do ia, tapi berani do ia mempertaruhkon goranni Tuhan bani na parohkon udan. Boi do homa hita marlajar humbani hasomanta na buei mengalami paruntolon  tapi ipamonang Kristus. Tongon adong do podahni na matua: “anggo marpusokni uhur ho, pindahi ma hasomanmu marbual na dob ongga mangahapkon paruntolon”. Meneladani halak na dob ongga mantaluhon paruntolon  boi do ai mambahen hita semakin kuat, sabar  anjaha  marpangarapan.

5.      Bertekun

Ibahen Jakobus gambaran goluhni Job na mengalami penderitaan bertubi-tubi tapi totap setia, sabar, bertekun anjaha mangarap hubani Naibata. Tahan bani penderitaan pasti mambahen jita semakin kuat janah kokoh.  Bani Rom 12:12 Marmalas ni uhur ma nasiam mangarap, sabar bani hamarsikon, golgol bani tonggo. Sada prinsip kristiani na porlu imiliki hita aima bertekun (golgol) bani ganup na madear. Ulang ma halani penderitaan gabe itadingkon hita Tuhan in tapi ase lambin orod ma hita  huBani.

PANGUJUNGI

Hotop do goluhta mandompakkon bagei-bagei paruntolon, lang pandang bulu tapi ganup do mangahapkon ai.  Sada pelajaran na maharga ma banta aha na isuratkon Jakobus on, ase imiliki hita sikap na talup bani na mandompakkon pergumulan. Jati diri pakon ke orisinalnni hakristenonta maningon totap do bertahan janah ulang mubah-ubah. Minggu Judika mambobahon hita ase totap marondos hubani Tuhan dengan harapan bahasa Naibata totap do mangapiti hita bani ganup persoalanna idompakkon hita. Totap ma hita ibagas Tuhan in.  (Pdt Ito Belihar Purba)