AMBILAN SIBASAON 14 APRIL 2013

HOLONGNI PARMAHAN

AMBILAN SIBASAON 14 APRIL 2013 NATS HESEKIEL 34,11-16

PARLOBEINI

Nabi Hesekiel idilo Naibata mangidangi i tongah-tongahni bangsa Israel bani panorang 5 tahun dob tarbuang bangsa Israel hu Babel Dihut do ia tarbuang janah manaksihon ganup na masa bani pambuangan ai. Isi pemberitaanni aima nubuatan pasal Israel na lang setia – janah  janjini Tuhan na gabe Panrajai bani bangsa ai. Ipatugah do hubanta sonaha kekecewaanni Naibata hubani para pemimpin Israel  na pitah mamikirhon kepentingan pakon ambisi pribadi. Mamikirhon kesejahteraan pakon keselamatan diri sandiri  tapi lang mangidah/ memperdulihon umat na gabe korban keganasan, kebuasan pakon keserakahan na binahenni sidea sandiri.

Keadaan on ma mambahen gabe mambur merap ma bangsa in janah lang terlindungi, lang terpelihara goluhni janah lang be tarsungkupi kebutuhanni. Janda-janda pakon anak yatim na seharusni ilindungi justru semakin melarat do. Para pemuka agama sibuk bani urusanni bei, lang be balosan sidea hubani Tuhan in halani biaran ma sidea anggo ipalopas humbani jabatan ai; jadi pitah  pabalos-balos sura-surani sipanrajai na mando. Manggila do Naibata mangidah keadaan on sekaligus marjanji laho mamindahi  janah patumpuhon bangsani Tuhan na mambur merap in pangkorhonni para pemimpin ai.

HATORANGAN

Tindakan empati na humbani Naibata mangidah keadaanni bangsa na merap ai tubuh humbani inisyatifni sandiri. Botoh do Tuhan in bani ganup na masa bani bangsaNi janah perduli do Ia bani keadaan ai. Age pe parmahan (sipanrajai pakon malim-malim) do na itodoh gabe perpanjangan tanganni Naibata (tapi lang idalankon bahkan iabaihon do use), tapi lang homa halani kelalaianni sidea  ai mambahen tarlanglang holongni Tuhan in. “Ahu sandiri sungkun-sungkun bani biri-biringku…” mangartihon banta bahasa Tuhan sandiri do na mambahen inisyatif pasal holongNi ai. Tindakanni Naibata igambarhon do songon Parmahan; ai boi do merap biri-biri halani kelalaianni parmahan janah somalni lang ibotoh biri-biri on dalan mulak be. Parmahan mangartihon tanggung jawab na gok, halani anggo lang marhitei tindakanni lang adong halak na legan patorsahon biri-biri ai.

1        1)  Pindahanku

Tindakanni Naibata mangindahi biri-biri patugahkon idopni uhurNi na sir-sir mangindahi na magou. Tontu itandai parmahan on do biri-birini na magou ai. Na adong bani pikiranni parmahan ai: “Sonaha ma anggo lang adong na manolongsi” tontu lanjar hamagouanni ai ma mamboan hamateion bani. On ma gambaranni holongni Naibata hubani jolma pardosa na lang mardalan bani dalanni Naibata.

            2) Paluahonku

Keadaanni biri-biri na manadingkon hulananni janah lang marnamulak boi do ai halani sakkut bani naporon, boi do homa halani terjebak bani lombang bahkan boi do homa na dob ibagas linggomanni panoroh. Tindakanni sahalak parmahan laho paluahkon maningon do butuh  keberanian, keahlian bahkan kuasa mandompakkon musuh ai. Keterikatanni jolma na gati lang talar bani pangidah aima ketertekanan jiwa; sakkut bani beban na berat janah lang dong  gogohni paluahkon dirini. Kuasani dunia on lang adong na mampu mangolati kuasani Naibata (tangkas do ai banta bani  dirini Jesus Kristus).

3)  Boanonku

Iboan sahalak parmahan do biri-birini na dob jumpah mulak use hubani hulananni patangkashon hak milik. Tindakanni Naibata mamboan biri-birini mulak patugahkon bahasa Tuhan in do simada goluhni biri-biri ai. Mulak hubani dalan na sintong mambahen lambin tangkas panandaion hubani Tuhan. Gati do tongon dalanta sandiri lang ibotoh hita, sonai homa age dalanni Tuhan banta, tapi anggo dalanni goluhta ibotoh Tuhan in do.

4) Paulakonku

Ianan na sonang (pilihan) do na isediahon Parmahan hubani biri-biriNi janah paulakonni do ai use. Tongon lang pitah berbicara tempat hansa on tapi patugahkon pasal suasana. Mararti do homa on pemulihan, “mambahen tarjolma” use, manambari ugah pnl, sehingga mulak ma use sonang songon na hinan ondi.

5) Parmahanonku

Tindakanni parmahan na pasir-sirhon sampalan na mombur bani dolog-dologni Israel, habungan-habungan sirsir homa bah mardalan. Mararti do on pemeliharaan marhitei na ibutuhi haganup haporluanni – mambahen sejahtera das hubani paruhuranni sidea. Keadaan ai ma na boi mambahen “manggompang” (senang tanpa beban) sidea. Jaminan hagoluhan na humbani Tuhan in do na boi mambahen adong damei janah nyaman bani na mandalani goluh on. Bani pemeliharaan on jumpah do keadilan halani ganup do mangahapkon pasu-pasuNi in, lagn pitah na kahou, na boritan/ ugahan tapi na mombur pakon na gogoh pe totap do ipardiateihon Naibata.

RENUNGAN

-       Humbani ambilan on  gabe  ibotoh  hita  do sonaha  bagasni   holongni    Naibata hubanta jolma on, age pe halani hadosaonta gabe magou hita janah manadingkon dalanNi. Sihol do tong uhurni Naibata ase ganupan hita on ulang adong na manlembang humbani hulanan in halani sungkup do parsadiaan i rumahni Bapa in

-       Ibere Tuhan do   hubanta uhur pakon pikiran  laho manimbangi na ija na dear janah na talup sidalankononta. Sibere-bereni Tuhan do age habotohon banta ase ulang ibahen hita in laho padaohkon dirinta atap pe gabe “maruhur-uhur bani” hita on, tapi ase gabe biri-biri sitangihon parmahan ma hita bani na mandalani  goluhta

-       Ibere Tuhan   do  homa tanggung jawab banta ase saling perduli, saling topang menopang, saling menguatkan janah marsitolong-tolongan hita ganup. Pangkei ma paruhurhon hita in! Ulang pitah na mardomu banta hansa na iporluhon hita bani tanoh on tapi patangkas hita ma holong na saling mengikat ase ulang hita madabuh bani sorohni parjahat in.

-         Parmahan do hita bani dirinta! Halani ai bobai hita ma goluhta ion hubani dalan na sintong aima bani dalanni Tuhan in.

-        Selaku siparhorja (pelayan) i  gereja ase  lambin pongkut ma mandalankon horja parmahanion in, ulang das merap biri-biri in halani keabsenanni parmahan atap pe halani kekurang perdulianni parmahan. Domma itodoh Tuhan hita gabe perpanjangan tanganNi laho manramotkon kuria in; ulang ma marlansei hita pasal in.

        Haleluya No 127,1-2                                                                                                                                            Pdt Ito Belihar Purba