SADA PAKON TUHAN IN
SIBASAON 23
OKTOBER 2011 NATS 1 JOH 4,17-21
PARLOBEINI
Surat 1 Joh ituliskon Joh hun Efesus
hubani kuria-kuria na merap i Asia na memiliki persoalan anjaha kebutuhan na
sarupa, ai do ase surat on lang
manuliskon goran sebagai alamat. Persoalan na paling menonjol na idompakkon
sidea aima mengenai haluahon ibagas Kristus ronsi sonaha haluahon ai marhorja ibagas
goluhni halak na porsaya. Hal on porlu iahap Joh aima halani ajaran palsu na
memutarbalikhon artini Injil; menyangkal Jesus sebagai Kristus (1 Joh 2:22,
5:1) pakon hal-hal na berhubungan pakon etika (1 Joh 2,3-4,5:3), dosa (1 Joh
3,7-12), haporsayaon (1 Joh 1:6, 5:4-5). Pangkorhonni ai gabe adong ma humbani
sidea na manadingkon persekutuan jemaat (1 Joh 2:19). Penekanannni Joh aima
pasal hasadaon pakon Naibata aima holong janah halak na manggoluh ibagas holong
taridah humbani tindakanni aima mangkaholongi sesamani.
HATORANGAN
Halak Kristen maningon do torus sada
(menyatu) pakon Tuhan ibagas holong halani pitah ibagas holong do hita boi
totap bertahan pataridahkon bahasa hita lang sarupa pakon dunia on. Sempurna
(gok) do holong ai anggo bersekutu do hita marhitei na totap manangihon
parentahNi (1 Joh 2:3) janah ra hita manimbili hisap-hisapni tanoh on (1 Joh
2:15-17), mandalankon hasintongan in (1 Joh 2:24) janah mangkaholongi hasoman
(1 Joh 4:7-12). Goluh na ibagas suasana kesempurnaan on mambahen hita pongkut
marpangarapan anjaha lang mabiar age pasal goluhta. Lang mabiar mararti
memiliki keberanian/ kepastian age das hubani ari parpudi ai. Tongon, halak na
mangkorjahon dosa do na adong biar ibagas uhurni tapi halak na daoh humbani
dosa/ na pintor, lang anjai mabiar ai age huja. Anggo sada hita pakon Tuhan in
gabe itubuhkon do hita sebagai manusia rohani halani domma inahkon tonduy in
anjaha marhorja (dengan leluasa) bani goluhta. Songon Kristus na lang ongga mundur humbani hasintongan in age pe tikki
ibagas daging Ia, sonai do homa hita na domma gabe manusia rohani ai. Marhiteihonni
ai lang sangsi be hita mandompakkon ari paruhuman in. Halak na sangsi anjaha
mabiar somalni jabolon do ai, das sonaha igilai/ isiksa tuanni ai ia; tapi
anggo halak na porsaya domma tangkas bani sonaha holongni Naibata bani Anak in,
anjaha sonai homa do age hubani na sada pakon anak in. Age pe mandompakkon ari
paruhuman ai lang adong uhur sangsi be ijai. Anggo manggoluh do ibagas holong,
lang anjai dong ijai uhur biar anjaha sangsi halani lang bagianni holong anggo
uhur na sangsi. Holong bergandengan do pakon pangarapan anjaha ibagas
pangarapan ai do boi hita totap setia age mandompakkon bageini godaan pakon
ancamanni dunia on.
Konsep
mangkaholongi sedo sebagai suapan ase jumpahan hita bani goluh simagira ai,
tapi mangkaholongi aima sebagai respon bani Tuhan na domma parlobei
mangkaholongi hita. Hakta sebagai anak (lang jabolon) sedo ihasilhon halani
kepatuhanta bani podah ase managkaholongi, tapi halak na mambalosi/ merespon
holongni Tuhan, ai do tandani na domma mangahapkon artini pambahenanni Naibta
bani goluhni. Boi pe das hita hubani ari paruhuman ai dengan keadaan lang
sangsi (yakin benar) aima halani sada hita pakon Tuhan sehingga ipatalup hita.
Sebalikni halak na so merespon pambahenanni Tuhan in lang anjai patalupon ai
halani lang iramotkon na dob binereni Tuhan in hubani.
Holong hubani
Naibata taridah sedo humbani pengakuan tapi taridah do humbani sikap pakon
pambahenan. Hataridahanni mangkaholongi Tuhan in, aima anggo adong holong
(pambahenan) hubani sesamani (Mat 25:40).
APLIKASI
-
Hakristenonta porlu ase bernilai, lang
pitah sahap tapi das hubani pambahenan na maronjolan hubani holong.
-
Haporsayaon pakon hapongkutonta ibagas
hasintonganni Tuhan in do mambahen lang adong uhur biar pakon sangsi banta bani
na mandalani goluh on, halani anggo sintong do hita lang anjai mabiar hita age
bani hamateian in, tapi anggo gok dosa do hita mabiar do hita mandompakkon
paruhuman in. Halani ai parayak hita ma
goluh na sintong in marhitei na mantaluhon dirinta bani hasintonganni Tuhan in.
-
Uhur na mangkaholongi Tuhan taridah do
ai marhitei sonaha hita manghargahon goluh ronsi mangkaholongi hasoman. Halani
ai padaoh hita ma bolat-bolat na boi
mambahen parlegan-leganon hubani hasomanta. Sada do hita ibagas Kristus in, age
pe marbeda-beda hajongjongan ronsi statusta.
Haleluya No. 350,1-3
Pdt Ito Belihar Purba
