NAIBATA MAMBERE BOHAL JANAH PATUDUH DALAN
AMBILAN SIBASAON 12 AGUSTUS 2012 NATS 1 RAJA-RAJA 19:4-8
PERIKOP
19:4
Tapi laho ma ia hu halimisan, sadari mardalan daohni; dob das ia hujai, hundul
ma ia marlinggom itoruh ni sada hayu tatada, anjaha ipangindo uhurni ma sihol
matei, nini ma: Sungkup ma in Ham Jahowa, buat Ham ma hosahku, ai seng dearan
paruhuranku humbani ompungku. (4 Mus. 11:15; Job 7:16; Jon. 4:3; Pil. 1:23.)
19:5
Dob ai ipatibal ma bani lanjar modom itoruh ni sada hayu tatada; tapi tonggor
ma, roh ma sada malekat manggiutsi, anjaha nini ma hubani: Puho ma ham, mangan
ma! (Lah. 12:7.)
19:6
Jadi mangkawah ma ia, gabe iidah ma tibal hampit uluni sada ruti na ginoreng
pakon sada gusi marisi bah. Dob mangan pakon minum ia iulaki ma use modom.
19:7
Dob ai roh ma malekat ni Jahowa manggiutsi paduahalihon, anjaha nini ma: Puho
ma ham, mangan ma, ase ulang madaohtu iahap ham sidalananmu ai.
19:8 Dob ai puho ma ia, mangan ma ia anjaha minum, lanjar
mardalan ma pinargogohan ni sipanganon ai ompat puluh ari ompat puluh borngin
dokahni das hu Horeb, dolog ni Naibata. (2 Mus. 3:1; 24:18.)
PARLOBEINI
Elia (Yahweh adalah Allah) aima
sahalak nabi i Israel utara, hun huta Tisbe, Gilead (1 Raja 17:1) siparhiou
na marambulu (2 Raja 1:8). Idilo Naibata marhorja bani panorangni raja Ahab – na mengizinhon penyembahan hubani naibata na
legan i istana irik hujai mambangun ianan
panombahan hubani Baal (marhitei
pengaruh humbani parinangonni Izebel – boruni raja Sidon sisombah Baal ai; na
mamboan rombongan banggal imam pakon nabi Baal ronsi Asyera hu Israel/ bangsani Naibata).
Elia idilo Naibata menyadarhon kemurtadanni bangsa ai janah mandilo sidea ase
mulak hubani Naibatani Israel (1 Raja 18:21, 36-37). Elia tampil sebagai
sahalak pemugar janah pembaharu na berusaha menegakhon hasintonganni Naibata. Elia
tampil ekstrim mangkatahon hubani Ahab: “Songon sintongni manggoluh Jahowa,
Naibata ni Israel anjaha ahu jongjong i lobeini, seng anjai roh namur barang
udan ibagas piga-piga tahun on, anggo seng palobei ahu mangkatahon” (1 Raja
17:1). Mengakhiri masa sulit on (3 tahun 6 bulan), itantang Elia do raja Ahab
laho membuktihon Naibata ni ise do na manggoluh: TUHAN
atap nabi Baal. Ibahen bei ma mezbahni janah idilo bei ma Naibata ni
laho parohkon api manutung galangan ai. Tindakan demonstran na ibahen Elia
pataridahkn bahasa Naibata ni Israel do na manggoluh. Akibatni gabe ibunuh ma
450 nabi Baal i sungai Kison janah on ma mambahen kemarahan besar bani Izebel –
janah marjanji maningon mambunuh nabi Elia.
HATORANGAN
Dob honsi peristiwa luar biasa
na pataridahkon kekokohanni Elia mambunuh 450 nabi Baal, keadaan menjadi
terbalik tikki ancamanni Izebel ipadas hubani Elia. “Dob ai isuruh si Isebel ma
suruhanni marayak si Elias mangkatahon hubani: Sai sonin ma ibahen Naibata
bangku, lobih ope tene, anggo seng hubahen hosahmu patar, usih songon na
binahenmu hubani hosah ni ganup sidea ai. Jadi mabiar ma ia, gabe bingkat ma ia
mardalan paluahkon hosahni. Daskonsi ia i Berseba, na i tanoh Juda, itadingkon
ma juak-juakni ijai” (1 Raja 19:2-3). Tongon,
mambunuh 450 nabi Baal sedo perkara biasa sehingga Izebel marah janah
bersumpah (ibags goranni naibatani) mambunuh Elia. Iparimbagashon Elia do
pesanni Izebel ai mambahen ia stress janah mabiar. Terjadi kontradiksi bani
sikapni Elia tikki menghadapi ancaman on ibandingkon keberanianni mambunuh na
450 nabi Baal ai. hape tangkas do bani kuasani Naibata na dob niin janah
tarbukti do haganupan ai, garidada udan pe domma iparoh hubani Israel. Ija do
hataridahanni Elia (Yahwe adalah Allah), mase songon na lang porsaya ia hubani
kuasani Naibata na boi manolong ia humbani ancaman ai? Lang urah banta mangarusi proses na terjadi
bani Elia: na manadingkon Israel, horja pangidangionni bahkan mambahen sada
keputusan: “Sungkup ma in Ham Jahowa, buat Ham ma hosahku, ai seng dearan
paruhuranku humbani ompungku” (ay 4).
Selaku
jolma memang adong do titik lemah janah boido mubah age pendirian, haporsayaon
pe boi do naik surut, songon na terjadi
bani Elia. Justru bani bagian on na sihol siidahonta sedo pitah sebab musababni
mase berubah sikap si Elia, tapi sihol mangidah sonaha Naibata hadir bani
kelemahan pakonkekuatanni. Age pe sonai sikapni si Elia (na lang talup
sitiruon) tapi Naibata lang ongga manadingkon juak-juakni in. Age pe itadingkon
Elia Israel, pangidangionni janah berputus asa sihol matei – lang iponopkon
Naibata bohini hubani Elia, ibogei Naibata do keluhanni janah iparsahapkn do ia
(bnd Psalm 22:25). Lang mintor manringis Naibata hubani tapi ianju/ ielek do ia
janah ibohali marhitei na mambere ruti na ginoreng pakon bah ibagas gusi marhitei malekatni. Pala do
dua hali malekat ai roh manjumpahkonsi
janah mambere sipanganon bani. Hal on patugahkon keperdulianni Naibata na lobih
humbani aha na ipikirhon hita. Persoalan puho pakon mangan sedo sekedar jawaban atas persoalan kebutuhan jasmani tapi
proses na ibahen Naibataaima puho humbani keterpurukanni. Naibata hadir bani
tahapan-tahapan na boi mambahen Elia bangkit. Mangan = pemeliharaanni Naibata,
na lang iparonti Naibata age pe tikki keadaanni Elia lang produktif. Modom do kegiatanni si Elia janah lang ihata
Naibata ia bani tindakanni ai – halani adong ope rencanani Naibata
marhiteihonsi.
Naibata
lang mamaksahon kehendakni tapi memahami Elia secara perasaan na sedang drop/
defresi; lang homa mintor iubah Naibata ia secara tiba-tiba gabe songon na dob
niin. Kehadiranni Naibata bani dirini si Elia pataridahkon keperdulian pakon
empati – sekaligus menghargai Elia sebagai sosok hajolmaon na memiliki titik
lemah/ kuat. Lang ijadihon ia gabe boneka/ wayang na sepenuhni ikendalihon,
tapi ietong Naibata do ia sebagai seda pribadi songon hasoman dohorni. Proses
kebersamaan on do patubuhkon haporsayaon
pakon keyakinan bahasa anggo ibagas Tuhan in lang ongga magou
kepribadianta sebagai jolma tapi isempurnahon marhitei kuasani Naibata. Ase
panandaionta pe hubani Naibata aima panandaion na sadar secara rasional (biak
hajolmaonta) janah menyadari hal-hal na bersifat rohani lobih gijang humbani
ganupan ai. On ma na isobut marhaporsayaon aima anggo dirinta na rasional
ikuasai oleh dirinta na rohani (sedo ipisahkon).
Ibotoh
Naibata do rencanani goluhta hu lobeian on janah iparbohali do hita mangayaki
ai. Sipanganon pakon siinumon na binereni Naibata sedo sekedar pabosurhon
angkula tapi mambahen bohal laho mandalani sura-surani goluhta. Sipanganon
pakon siinumon na ibere hubani Elia justru gabe bohal bani mardalan 40 ari menuju
dolog Horeb. Ibere Naibata pasu-pasu sedo untuk kesenangan semata tapi na gabe
gogoh do laho mandalankon sura-surani Tuhan in. Pasu-pasu na ijalo hita pe bani
goluhta sedo na laho manggoki sura-surani dagingta tapi laho patangkashon
rencanani Naibata do marhitei hita.
Pegunungan
Horeb na ija Sinai merupakan puncak tertinggi aima iananni Musa pajumpah pakon Naibata
janah manjalo titah in. Sada ianan na khusus do on bani halak Israel halani
isobut do on dologni Naibata. Tujuanni Elia aima berlindung i dologni Naibata. Naibata
do patubuhkon pangarapan bani dob i “refresh” ia bani parsaranni i toruhni hayu
arar i halimisan Bersyeba – mambahen mampu use ia mangidah tujuanni
pardalananni aima hu dologni Naibata.
RENUNGAN/ HAHONAAN
-
Haganup do hita memiliki titik lemah
bani pribadinta janah maningon mangaku do hita pasal ai. on ma na gabe dalan
banta ase tongtong marondos hubani Tuhan ase tongtong campur tangan bani
goluhta sehingga boi tong hita mengalami pembaharuan
- Naibata mambere dirini hadir berempati,
mangarusi pasal goluhta janah memahami keadaanni goluhta. Ibere do hubanta
bohalni goluhta laho manoruskon pardalananni goluhta janah ibere do petunjuk
hubani dalan na ija na sihol sibolusonta. Halani ai maningon tangi do hita
janah tongtong mambalosiSi.
-
Lang boi sotto hita halani persoalanni na
masa bani goluhta tapi maningon do hita mandalani ai ibagas bohal na humbani Naibata,
porsaya ma hita bani kuasani
-
Jesus do ruti hagoluhan (Joh 6:35);
hatani Naibata do goluh banta, halani marhitei bohal roti hagoluhan ai do boi das
hita hubani tujuanni goluhta na sasintongni aima dolog/ iananni Naibata.
-
Boan hita ma pargoluhanta na rasional –
hubani Tuhan na rohani, halani pitah bani Tuhan do jumpah hita dalan na
mamboan hita hubani hagoluhan.
Pdt Ito Belihar Purba
GKPS Resort Polonia