MEMILIKI JATI DIRI KRISTIANI
AMBILAN MINGGU 23 SEPTEMBER 2012 NATS JEREMIA 11,18-20
PARLOBEINI
Jeremia selaku Nabi Prophetis (tanpa
ikatan dinas; sebaliknya Nabi Kultis yg bertugas di Rumah ibadah dan Sinagoge
yang juga disebut Imam), sonai do homa rata-rata humbani nabi prophetis na
legan (mis. Elia) mandalani hanabionni das hubani tingkat na lebih
ekstrim. Somalni nabi na songon on lang
adong tawar menawar pasal hasintongan na humbani Naibata, hasintongan totap
hasintongan – age hubani ise na so romban hubani parentahni Naibata - age pe
halani ai maningon terbunuh ia.
Tindakan kenabian na songon on ma mambahen ase adong reaksini par
Anatot aima sihol mambunuh Jeremia secara diam-diam. Porlu botohonta bahasa
Jeremia sandiri berasal hun Anatot; jadi kelompok na sihol mambunuhsi aima hun
huta hatubuhanni janah termasuk ma deba humbani kerabat/ keluargani.
HATORANGAN
Na ipatorang bani 3 ayat perikopni
ambilan on, aima sonaha Naibata patugahkon hubani Jeremia pasal bahaya na
mengancam guna antisipasi sekaligus patugahkon bahasa Naibata hadir sebagai
sahalak sipangapiti janah protector na mambere jaminan hidup hubani
juak-juakNi. Sementara hun sisi Jeremia
sandiri justru menempatkon dirini songon biri-biri na itogu hu panayatan. Sikap
on patugahkon kepasrahan diri bani Naibata. I sada sisi memang tampil do sahalak nabi sebagai sahalak
na vocal anjaha kritis (dompak jolma) tapi i sisi na legan ia tampil sebagai
sahalak “na bodoh” na lang mangarusi pasal goluhni (dompak Naibata). Adong
keyakinan bahasa Naibata lang pasti berpihakk bani anjaha mangkorjahon keadilan
romban hubani caraNi sandiri. Nabi Jeremia sandiri lang merancang pembalasan
halani porsaya do ia bahasa tindakan na binahenni Naibata jauh lebih sempurna.
1.
Naibata mansarihon
Jahowa do “pabotohkon” (ay 18) ase ibotoh Jeremia na sihol masa bani. Ipatangkas
panuratni Jeremia do ijon pasal ise do Naibata bani Jeremia/ bani juak-juak/
bani halak na porsaya. Naibata tampil secara aktif bahkan proaktif, terlibat
bani ganup aspek kehidupanni juak-juakNi. Jeremia sandiri lang memohon hubani Naibata
tapi inisyatifni Naibata sandiri do patugahkon hubani Jeremia. Bagian on patugahkon
bahasa goluhni Jeremia romban hubani
harosuhni Naibata (Jeremia pe “manandai” Tuhan anjaha Tuhan pe manandai
Jeremia). Sonai do age bani goluhta ternyata Tuhan aktif parohkon na madear. Isarihon
janah iparorot Naibata do hita bani ganup lahoanta – ai do ase paromban hita ma
pargoluhonta romban hubani harosuhni Naibata. Jaminan na humbani Naibata do na
boi mambahen hita sonang (Psalm 62:2) tapi anggo jaminan na humbani jolma do
terbatas do ganupan. Hajongjongan kenabian maningon do imiliki ganup halak na
porsaya aima mamboan hasintongan in (lang terkontaminasi pakon rosuhni tanoh
on). On ma sada cara ase boi iahapkon hita tangkas pasal sonaha keterlibatanni Naibata
bani goluhta.
2.
Pasrah hubani
Tuhan
Sonaha do nilaini hakristenonta? Apakah hanya sebagai formalitas semata;
hadir marminggu pakon partonggoan. Aha ma na dob dapot hita hunjai? Boi do ai
mempengaruhi goluhta? Setiap halak na porsaya pribadi lepas pribadi maningon do
berusaha mangarusi pasal Naibata , bergumul bahkan berjuang. Hal on berhubungan
erat pakon tindakan hidup. Nini semboyan Olah Raga mangkatahon “Men sana in corpore
sano” (dalam tubuh yang sehat terdapat jiwa yang sehat). Ibagas goluhni halak
na borsih – ijai do jumpah tonduy napansing. Anggo domma marianan Tonduyb in
bani dirinta tontu goluhta pe madear ma homa. Tapi sonaha do anggo tonduyni
dunia on do na mangiani hita? Tonduy kemarahan, subil, domdom - tontu lang anjai boi hita mangidah na
madear. Anggo lang boi hita mangidah na
madear – lang boi hita mangidah Naibata. Kepasarahan hubani Naibata tangkas
iidah hita bani dirini Jesus tikki bani hayu parsilang. Adong do kuasa bani
Jesus (selaku anakni Naibata) laho paluahkon dirini humbani silang ai. Tapi na
terpenting bani Jesus aima missi keselamatan na iembanhon Bapa in hubani.
Kepasrahanni bani rencanani Naibata (dengan jalan hukuman yang hina) pakon
kepatuhanNi mandalankon ganupan missi ai
– patubuhkon haluahon hubanta. Ibagas bentuk
aha do kepasrahanta hubani Naibata? Sonaha do anggo roh naborit janah
berkepanjangan; boi do bertahan
kesetiaanta? Atap na laho do hita manjumpahkon kuasani tanoh on? Nini Tuhan
Jesus bani Markus 8:34 = barang ise sihol mangihutkon Ahu, iparnalang ma dirini
janah iporsan ma silangni. Mangihutkon Tuhan aima mandalankon kehendakni Tuhan, sedo mandalankon kehendakta
sandiri. On ma sasintongni ciri-cirini
goluhni halak Kristen = mandalankon harosuhni Naibata. On ma na imaksud
kepasrahan ai aima mempercayakan diri hubani Tuhan pasal goluhta tanpa uhur sangsi pakon biar. Nini bani mat 6:33 = “Parlobei
ma pindahi hanima harajaonni Naibata ampa hapintoranNi, dob tambahkononNi do
bannima...” Anggo goluhta sepenuhni
tartuju hubani Tuhan – isarihon janah ipasu-pasu do hita. Halani ai
miliki hita ma pola hidup pasrah hubani Naibata.
3.
Mempertahankon
jati diri
Pola duniawi: “Anggo bujur ia bujuran au, tapi anggo jahat ia jahatan au”. Goluh
on gati iumpamahon songon dagang, adong istilah transaksi, tukar menukar
(barter), jual beli. Sonaha do do menerapkon na songon on bani goluhni
halak Kristen? Anggo ibahen halak na jahat hubanta – lobih do use ibahen
hita na jahat hubani? Tontu lang berlaku rumusan na songon on bani na
mangihutkon Tuhanta. Anggo ibahen halak na madear bata – bahen ma na madear
bani, tapi age pe ibahen halak na jaht bata tontu na madear do tong bahenonta
hubani. Porlu botohohnta bahasa Naibata do simada pambalason. Anggo Naibata marhorja
bani keadaan permusuhan iantara jolma tontu na madear do bereonni hubani kedua
belah pihak. Pengertianni na madear sedo pitah na romba hubani rosuhni jolma
tumang. Boi do na madear ibahen Naibata tapi
bertentangan pakon uhur hajolmaon. Bani keadaan na sonaha pe maningon do hita
pataridahkon bahasa hita halak Kristen na lang urah terkontaminasi age pe
ibagas kondisi na ekstrim (emosional, permusuhan dll).
RENUNGAN
Hita selaku juak-juak
(apakah sebagai parhorja atap pe pagori), talup do hita parombankon goluhta
songon goluhni sahalak nabi. Porlu do hita manjolom hasintonganni Tuhan in bani
keadaan na sonaha pe. Ulang ma tikki ibags
kemarahan gabe madabuh hita hubani dosa. Ulang ma halani persoalan hidup na
borat gabe madabuh hita marhitei na
mengandalkon kemampuanta hansa.
Selaku aha pe
hajongjonganta i gereja, maningon do paromban hita goluhta hubani rosuhni Tuhan
in. Bahen hita ma goluhta gabe pasu-pasu/ gabe garam na mardai. Selaku parhorja
i kuria in, maningon ma hita sari bani horjani Tuhanta, ulang ma hita gabe batu
sandungan bani hasoman jolma. Pagorini kuria in pe gabe pagori na bujur ma, n
alang pitah mambotoh magnkritik tapi pataridahkon hapongkuton ibagas borsihni
uhur. Ai haganup na ihorjahon hita bani rumahni Tuhan in – na porlu bani Tuhan
in do ai, sedo untuk kepentinganni hajolmaon.
Lang pala sangsi hita pasal
goluhta halani jaminan na humbani Naibata do na boi mambahen hita sonang. Totap
ma bani Tuhan in ase monang hita!
Medan, 19 September 2012
Pdt Ito Belihar Purba